තෙරපීමකින් 78 ‌දෙනෙකු මිය ගිය යේමනයේ ඛේදවාචකය

යේමනයේ සානා අගනුවර පාසලක රාමසාන් උත්සවය වෙනුවෙන් පුණ්‍යාධාර බෙදාදීමක් අතරතුර ඇති වූ තෙරපීමකින් පුද්ගලයින් 78 දෙනෙකු මිය ගොස් ඇති බව විදෙස් මාධ්‍ය වාර්තා කරයි. මෙම අනතුරින් විශාල පිරිසක් තුවාල ලබා ඇති අතර ඉන් 13 දෙනෙකුගේ තත්ත්වය බරපතල බව සඳහන් වේ.

 

වෙළෙදුන් විසින් සංවිධානය කරන ලද මෙම උත්සවය සඳහා සිය ගණනක් දුප්පත් ජනයා එක්රැස්වී සිට ඇති අතර එක් පුද්ගලයෙකුට ඩොලර් 9 පමණ වූ පරිත්‍යාග ලබා දෙන බවත් ඔවුන් සඳහන් කර තිබේ.