ඉන්දියාවේ නව ජනපති දිවුරුම් දෙයි

ඉන්දියාවේ නව ජනාධිපති ලෙස තේරී පත් වූ දෞපදී මුර්මු අද(25) පෙරවරු 10.15ට දිවුරුම් දීමට නියමිතයි.

ඉන් අනතුරුව ජනපතිනියට ආචාර වෙඩිමුර විසි එකක් පිරිනැමීමටද සැලසුම් කර තිබෙන බවයි වාර්තා වන්නේ.

64 හැවිරිදි ඇය ඉන්දීය ඉතිහාසයේ ගෝත්‍රික සමාජය නියෝජනය කරන පළමු ජනාධිපතිවරයා වන අතර ඉන්දීය ජනාධිපති ධූරයට පත් දෙවන කාන්තාවයි.

පසුගියදා ඉන්දීය පාර්ලිමේන්තුවේ පැවති ඡන්ද විමසීමේ දී විපක්ෂ අපේක්ෂක යශ්වාන්ත් සිංහා පරාජයට පත් කරමින් ඇය මෙම තනතුරට තේරී පත් වුණා.