අධිකරණ නියෝගයට එරෙහිව රාහුල් ගාන්ධිගෙන් අභියාචනයක්
2019 පැවැත්වූ මැතිවරණ රැලියකදී අගමැති නරේන්ද්‍ර මෝදිගේ වාසගම ගැන සිදු කළ ප්‍රකාශයක් සම්බන්ධයෙන් ලැබුණු වසර දෙකක සිර දඬුවමට එරෙහිව ඉන්දීය විපක්ෂ නායක රාහුල් ගාන්ධි මහතා අභියාචනයක් ගොනු කර තිබේ.
රාහුල් ගාන්ධි මහතා සිදු කළ ප්‍රකාශයෙන් රටේ අගමැතිවරයාව අපකීර්තියට පත් කළ බවට චෝදනා කළ භාරතීය ජනතා පක්ෂ මන්ත්‍රීවරයකු විසින් ඔහුට එරෙහිව මෙම නඩුව පවරනු ලැබිණි.
නඩු විභාගයෙන් අනතුරුව ගාන්ධි මහතා නීති සම්පාදකයෙකු ලෙස කටයුතු කිරීමට නුසුදුස්සෙකු බවටත්, ඔහුගේ දඬුවම අත්හිටුවන තෙක් හෝ ඔහු නිදොස් කොට නිදහස් වන තෙක් මැතිවරණවලට තරග කිරීම අත්හිටුවීමටත් නියෝග ලැබී තිබේ.
ගාන්ධි මහතාගේ අභියාචනය පිළිබඳව ඔහුගේ ආධාරකරුවන් මෙන්ම විරුද්ධවාදීන්ද දැඩි අවධානයෙන් පසු වන අතර ආණ්ඩුකාර භාරතීය ජනතා පක්ෂය (BJP) ගාන්ධි මහතාට එරෙහිව දේශපාලන පළිගැනීමක් ක්‍රියාත්මක කරන බවට විපක්ෂයේ නායකයන් චෝදනා කරන බව ඉන්දීය මාධ්‍ය වාර්තා කර ඇත.
234 Views
Comments