ජැක් මා ඈන්ට්හි පාලනය අතහැරීමට සූදානම් වෙයි

චීන බිලියනපති ජැක් මා දැවැන්ත පරිගණක තාක්ෂණ සමාගම් සමූහයක් වන ඈන්ට්හි පාලනය අත හැරීමට සූදානම් බව වාර්තා වේ.

 

ඒ අනුව ව්‍යාපාරයේ පාලනය තනි හෝ හවුල් කොටස්කරුවන් සතුව නොපවතින ආකාරයට සමාගමේ පාලන සැකැස්ම සකස් කරනු ඇති බව ඈන්ට් ව්‍යාපාර සමූහය නිකුත් කළ නිවේදනයක දැක්වේ.

 

මේ වන විට ඈන්ට් සමාගමේ පවතින පාලන ව්‍යුහයට අනුව ජැක් මා හට සමාගමේ කොටස් වලින් 53.46% වක්‍රව පාලනය කිරීමේ හැකියාව පවතී.

 

නමුත් ප්‍රකාශයට පත්කර ඇති සංශෝධනයෙන් අනතුරුව ජැක් මා හට හිමි වන්නේ 6.2% කොටස් සංඛ්‍යාවක් පමණක් බව වාර්තා වේ.