ෂෙන්ගන් බෝඩරය පනින්න හැදූ ලාංකිකයෝ පිරිසක් රුමේනියා දේශසීමාවේදී කොටු වෙති

පකිස්ථානය, ශ්‍රී ලංකාව, නේපාලය, බංගලාදේශය සහ ඇෆ්ගනිස්ථානය යන රට වල 18 දෙනෙකුගෙන් යුත් සංක්‍රමණික කණ්ඩායම් දෙකක් නීති විරෝධී ලෙස ෂෙන්ගන් ප්‍රදේශය හරහා දේශසීමා තරණය කිරීමේදී රුමේනියානු ආරාඩ් දේශසීමා ආරක්ෂකයින් විසින් නවත්වා ඇත.

 

 

ඊයේ දින ආරාඩ් දේශසීමා පොලිසිය විසින් එවන ලද තොරතුරුවලට අනුව, සංක්‍රමණිකයන් හංගේරියානු දේශසීමාව දෙසට ගමන් කරමින් සිටියදී ප්‍රාන්ත දේශ සීමාව නිරීක්ෂණය කරන විට අල්ලා ගෙන තිබේ.

 

 

සිදුවීම සම්බන්ධ මූලික පරීක්ෂණ වලදී හෙළි වී ඇත්තේ ඔවුන් වයස අවුරුදු 20 - 48 ත් අතර පසුවන පකිස්ථානය, ශ්‍රී ලංකාව, නේපාලය, බංගලාදේශය සහ ඇෆ්ගනිස්ථානය යන රට වලට අයත් පුද්ගලයන් බවයි.

 

 

කෙසේ නමුත්, විදේශිකයන් රාජ්‍ය දේශසීමා හරහා වංචනික ලෙස තරණය කිරීමට උත්සාහ කිරීම යන චෝදනාව යටතේ සිදුවීම වැඩිදුරටත් විමර්ශනය කෙරෙනු ඇති බව විදෙස් මාධ්‍ය සඳහන් කරයි.