චීන ආරක්ෂක ඇමති සහ පුටින් අතර බරපතල රාජතාන්ත්‍රික හමුවක්

රුසියානු ජනාධිපති ව්ලැදිමීර් පුටින් සහ චීන ආරක්ෂක අමාත්‍ය ලී ෂැං-ෆු අතර හමුවක් සිදුව ඇති බව විදෙස් මාධ්‍ය වාර්තා කර සිටී.

 

රුසියාවේ දී පැවති මෙම සාකච්ඡාවේදී ආර්ථික, දේශපාලන සහ යුධ සබඳතා ශක්තිමත් කිරීම සම්බන්ධයෙන් සාකච්ඡා වී ඇති බව වාර්තා වේ.

 

එමෙන්ම චීන ආරක්ෂක අමාත්‍යවරයා රුසියානු ජනාධිපති වරයාට ප්‍රකාශ කර ඇත්තේ දෙරට අතර සබඳතා වලට සීමාවක් නොමැති බවත්, යුද මෙන්ම තාක්ෂණික තොරතුරු හුවමාරු කර ගැනීම සඳහා සහයෝගයෙන් කටයුතු කිරීමට තම රට ඉතාමත් කැමැත්තෙන් සිටින බවත්ය.

 

ලී ෂැං-ෆු අමාත්‍ය ධුරයට පත්වීමෙන් පසු ඔහුගේ ප්‍රථම විදේශ සංචාරය මෙය වන බව සඳහන් වේ.