අණ නොතකා ධාවනය කළ යතුරු පැදියකට වෙඩි තබයි

අණ නොතකා ධාවනය කළ යතුරු පැදියකට අංගොඩ කැලණිමුල්ල ප්‍රදේශයේදී පොලිස් විශේෂ කාර්ය බළකාය විසින් වෙඩිතැබීමක් සිදුකර ඇත.

 

 

යතුරුපැදියේ ගමන්කළ දෙදෙනා එම වෙඩි ප්‍රහාරය හමුවේ එම ස්ථානයෙන් පළාගොස් තිබේ.

 

 

අද (01) පස්වරුවේ පොලිස් විශේෂ කාර්ය බළකාය විසින් හදිසි මාර්ග බාධකයක් යොදවා වාහන පරීක්ෂා කරමින් සිටියදී මෙම වෙඩිතැබීම සිදුව ඇති බව පොලීසිය පවසයි.

 

 

එහිදී යතුරුපැදිය නවත්වන ලෙසට පොලිස් විශේෂ කාර්ය බළකාය විසින් සංඥා කර ඇත.

 

 

වැඩිදුර විමර්ශන මුල්ලේරියාව පොලීසිය සිද්ධිය සම්බන්ධයෙන් ආරම්භ කර තිබේ.