ජල සම්පාදන සේවක වැඩ වැරුමෙන් අඛණ්ඩ ජල සැපයුමට බාධා

අප්‍රේල් 04 වැනිදා සිට අඛණ්ඩව ක්‍රියාත්මක වන ජල සම්පාදන සහ ජලාපවාහන මණ්ඩලයේ වැඩවර්ජනය හේතුවෙන් කාර්යාල සේවා හෝ පාරිභෝගික සේවා කිසිවක් ක්‍රියාත්මක නොවන බව ජල සම්පාදන වෘත්තීය සමිති ඒකාබද්ධ සන්ධානයේ සම කැඳවුම්කරු ඉංජිනේරු උපාලි රත්නායක මහතා කියා සිටී.

 

ජල සම්පාදන සේවකයින්ගේ වැටුප් ගෙවීම් සම්බන්ධ ගැටළුවක් හේතුවෙන් ඔවුන් මෙසේ වර්ජනයේ නිරත වන අතර, මෙම වෘත්තීය ක්‍රියාමාර්ගය හේතුවෙන් අඛණ්ඩ ජල සැපයුමට බාධා එල්ල විය හැකි බව ඒ මහතා වැඩි දුරටත් සඳහන් කර සිටී.