ශ්‍රී ලංකා රූපවාහිනී සංස්ථා පනත් කෙටුම්පත සංශෝධන රහිතව සම්මත කෙරේ

ශ්‍රී ලංකා රූපවාහිනී සංස්ථා(සංශෝධන) පනත් කෙටුම්පත ඊයේ(22) පෙරවරු 10:30 සිට පස්වරු 12.30 දක්වා විවාදයට ගැනීමෙන් අනතුරුව සම්මත කර ගැනුණා.

1982 අංක 6 දරන ශ්‍රී ලංකා රූපවාහිනි සංස්ථා පනත සංශෝධනය කිරීම සඳහා වූ මෙම පනත් කෙටුම්පත මඟින් පනතේ 3 වන වගන්තිය සංශෝධනය කර ඇති අතර එමගින් රූපවාහිනි සංස්ථාවේ සංයුතිය වෙනස් කිරීමටද නියමිතයි.

ඒ අනුව සංස්ථාවේ සාමාජිකයන් සංඛ්‍යාව හතේ සිට නවය දක්වා වැඩි කිරීමට යෝජනා කර තිබෙනවා.