කතකට අතවර කළ ආයුර්වේද වෛද්‍යවරයාට වැඩ වරදී

දරුවෙකු ලැබීමේ ආශාව ඉටුකර ගැනීමට ප්‍රතිකාර ලබා ගැනීමට පැමිණි 42 හැවිරිදි විවාහක කාන්තාවකට ලිංගික අතවර කළ බවට චෝදනා එල්ල වූ 57 හැවිරිදි ආයුර්වේද වෛද්‍යවරයකු අත්අඩංගුවට ගත් බව ළමා හා කාන්තා අපයෝජන නිවාරණ කාර්යාංශයේ මූලස්ථානය නිවේදනය කරයි.

 

 

විවාහ වූ දා සිට පිළිසිඳ ගැනීමට නොහැකි වූ කාන්තාව සිය සැමියා සමඟ බියගම සියඹලාපේ ප්‍රදේශයේ සැකකාර ආයුර්වේද වෛද්‍යවරයා හමුවීමට ගියේ ඊට පිළියමක් බලාපොරොත්තුවෙන්. 

 

 

සිව් වතාවක් ඇය සැමියා සමඟ ආයුර්වේද වෛද්‍යවරයා හමුවට ගොස් තිබූ අතර කිසිදු සැක සංකා උපදවන කරුණක් ඇති නොවූ බැවින් ඉකුත් 12 වෙනි දින ඇය තනිවම වෛද්‍ය මධ්‍යස්ථානය කරා ගිය අවස්ථාවේදී  සැකකාර වෛද්‍යවරයා ඇයට බලහත්කාරයෙන්   ලිංගික අතවර කර තිබූ බව එම කාන්තාව සිදුකළ පැමිණිල්ලේ සඳහන් වන බව පොලිසිය කියයි.

 

 

ළමා හා කාන්තා අපයෝජන නිවාරණ කාර්යාංශයේ මූලස්ථානයේ ස්ථානාධිපති සමන්ති රේණුකා මහත්මිය මෙම නඩුවේ විමර්ශන කටයුතු අධීක්ෂණය කරනු ඇත.