සෞඛ්‍ය ක්ෂේත්‍රයේ රථවාහනවල දැඩි අර්බුදයක්

බස්නාහිර පළාතේ සෞඛ්‍ය ක්ෂේත්‍රයේ පවතින දැඩි රථවාහන අර්බුදයක් සම්බන්ධයෙන් බස්නාහිර පළාත් සෞඛ්‍ය සේවා අධ්‍යක්ෂ වෛද්‍ය ධම්මිකා ජයලත් මහත්මිය කනස්සල්ල පළ කළාය. 

 

 

ඊයේ (08) නාරාහේන්පිට ජාතික රුධිර පාරවිලයන මධ්‍යස්ථානයේ පැවැති පළාත් සෞඛ්‍ය සම්මන්ත්‍රණයට සහභාගි වෙමින් ඇය මේ අදහස් පළ කළාය. වෛද්‍ය ජයලත් මහත්මිය පවසන්නේ මෙම රථවාහන ගැටලුවලට හේතු වී ඇත්තේ රෝගී සත්කාර සේවා සඳහා මීට පෙර වගකීම් දැරූ රියදුරන් ස්ථාන මාරු කිරීම හේතුවෙනි. 

 

 

මීට අමතරව, බස්නාහිර පළාත තුළ ඩෙංගු මර්දන කටයුතු සාර්ථකව ක්‍රියාත්මක කිරීම පිළිබඳව ඇය අවධානය යොමු කළ අතර, එම ප්‍රයත්නයන් සඳහා සෞඛ්‍ය අමාත්‍යාංශය අවශ්‍ය පහසුකම් සපයා ඇති බව ද ඇය මෙහිදී සිහිපත් කළාය.