MAY
14
පාසල් ආශ්‍රිත ඩෙංගු මදුරු ව්‍යාප්තිය ඉහළට
පාසල් ආශ්‍රිතව ඩෙංගු මදුරු ව්‍යාප්තිය උග්‍රවීම සම්බන්ධයෙන් වන වගකීම අධ්‍යාපන අමාත්‍යංශය බාරගත යුතු බව ලංකා ස්වාධීන ගුරුසේවා සංගමයේ ප්‍රධාන ලේකම් චන්දිමාල් විජේරත්න මහතා පවසයි.
දිවයිනේ පාසල් රැසක කම්කරු සේවකයින් නොමැති වීම හේතුවෙන් පාසල් ආශ්‍රිත පවිත්‍රතා කටයුතු සහ සනීපාරක්ෂක කටයුතු නිසියාකාරව සිදුනොවන බවට ඒ මහතා සදහන් කර සිටී.
එම නිසා පාසල් ආශ්‍රිතව ඩෙංගු මදුරු ව්‍යාප්තිය ඉහළ ගොස් ඇති අතර මේ සම්බන්ධයෙන් අධ්‍යාපන අමාත්‍යංශය අවධානය යොමුකළ යුතු බව ඒ මහතා සඳහන් කළේය.
කෙසේවෙතත් අධ්‍යාපන අමාත්‍ය සුසිල් ප්‍රේමජයන්ත මහතා පවසන්නේ පාසල් ආශ්‍රිත ඩෙංගු මරුදු ව්‍යාප්තිය පාලනය කිරීම සඳහා පාසල් මට්ටමෙන් අවශ්‍ය කටයුතු ක්‍රියාත්මක කළ යුතු බවය.
240 Views
Comments