ගුවන් ටිකට්පත් මිල පහළට

මේ දිනවල රුපියලේ අගය ඉහළ යෑමේ ප්‍රතිඵලයක් ලෙස, මිලදීගෙන ඇති ආපසු පැමිණීමේ ගුවන් ටිකට්පත්වල මිල ගණන් සැලකිය යුතු ලෙස අඩු වී ඇති බව සංචාරක නියෝජිතයින් පවසයි.

 

ආර්ථික පන්තියේ (Economy Class) ගාස්තුවල අවම වශයෙන් සියයට පහක මිල අඩුවීමක් දක්නට ලැබෙන බවත්, ඒ අනුව කොළඹ-ලන්ඩන් සහ කොළඹ - මෙල්බර්න් වැනි ඉහළ ඉල්ලුමක් ඇති අංශ සඳහා දැරිය හැකි මිලකට ටිකට්පත් ලබාදීමට ද හැකි බවත් ඔවුන් පවසයි.

 

රුපියලේ අගය තවදුරටත් ඉහළ ගියහොත් කොළඹින් පිටත ගුවන් ටිකට්පත් මිල තවදුරටත් අඩුවනු ඇති බව එම නියෝජිතයින් වැඩිදුරටත් කියා සිටී.