ඡන්ද පත්‍රිකා මුද්‍රණය කළ නොහැකි බවට දැනුම් දීමක්

රජයේ මුද්‍රණාලයාධිපතිනිය මැතිවරණ කොමිසමට ලිඛිතව දැනුම් දී තිබෙන්නේ, පළාත් පාලන ඡන්ද විමසීමට අදාළ මුද්‍රණ කටයුතු සඳහා මුදල් ගෙවනතෙක් එම කටයුතු සිදුකළ නොහැකි බවයි. ඒ සඳහා ඇස්තමේන්තු කර ඇති මුදල රුපියල් මිලියන හාරසිය හැට එකක් පමණ වන බව මැතිවරණ කොමිසම සඳහන් කළේ ය.

 

මැතිවරණ කොමිසමේ සභාපති නීතිඥ නිමල් ජී. පුංජිහේවා මහතා අද සඳහන් කළේ, හෙට පැවැත්වෙන දේශපාලන පක්ෂ ලේකම්වරුන්ගේ හමුවේදී මේ සම්බන්ධයෙන් අවධානය යොමු කරවන බව යි.