භික්ෂු අධ්‍යාපනයේ ගුණාත්මක වෙනසක්

මහනුවර ජනාධිපති මන්දිරයේ දී මල්වතු සහ අස්ගිරි පාර්ශ්වයේ කාරක සංඝ සභාවන්හි ස්වාමීන් වහන්සේලා හමුවේ ජනාධිපති රනිල් වික්‍රමසිංහ මහතා විශේෂ සාකච්ඡාවක් පවත්වා ඇති බව වාර්තා වේ.

 

භික්ෂු අධ්‍යාපනයේ ගුණාත්මක ප්‍රතිව්‍යුහගත කිරීමක් අත්‍යවශ්‍ය බවට මල්වතු අස්ගිරි කාරක සංඝ සභික ස්වාමීන්වහන්සේලා කළ යෝජනාවක් අනිවාර්යෙන්ම ක්‍රියාත්මක කළ යුතු බවට ජනාධිපතිවරයා අවධාරණය කර තිබේ.

 

පාලි හා බෞද්ධ විශ්ව විද්‍යාලයේ ස්වාමීන් වහන්සේලාට විනය ක්‍රියාත්මක කිරීමේ දී ආයතනික විනයට අමතරව අදාල නිකාය විනයට ද අවනත වන පරිදි සිදු කිරීමට අවශ්‍ය නීති වෙනස් කරන බව ජනාධිපතිවරයා මෙහිදී පවසා ඇති බවද වාර්තා වෙයි.