දහ අට වංගුවේ නාය යාමකින් ගමනාගමනයට බාධා

මහනුවර මහියංගනය 18 වංගුව මාර්ගයේ 14 සහ 15  වංගු අතර පස් කන්දක් කඩා වැටීමෙන් ගමනාගමනයට බාධා එල්ල වී තිබෙනවා.

මේ වන විටත් එක් මංතීරුවක් අවහිර වී ඇති අතර එහි පස් ඉවත් කරමින් පවතින බවයි ආපදා කළමනාකරණ මධ්‍යස්ථානය සදහන් කර සිටියේ.

තවදුරටත් පස්කඳු කඩා වැටීමේ අවදානමක් පවතින හෙයින් සැලකිලිමත්ව රිය ධාවනය කරන ලෙසට අාපදා කළමනාකරණ මධ්‍යස්ථානය රියදුරන්ගෙන් ඉල්ලා තිබෙනවා.