සොරකම් කරන ලද ගිනි අවියක් සහ ජීව උණ්ඩ අඟුරුවාතොටින් හමු වෙයි

අඟුරුවාතොට කෙසෙල්හේනාව ප්‍රදේශයේ එළවළු කොටුවක වල දමා තිබියදී රත්මලාන ගුවන් හමුදා කඳවුරේ අවි ගබඩාවෙන් සොරා ගෙන තිබූ ටී 56 ගිනි අවියක් හා ජීව උණ්ඩ එකසිය විස්සක් සහිත මැගසින් හතරක් සොයා ගෙන ඇති බව පොලිසිය පවසයි.

 

රත්මලාන ගුවන් හමුදා කඳවුරට අනුයුක්තව සේවය කරනු ලබන සැරයන්වරයකු විසින් මීට දින තුනකට පෙර මෙම ගිනි අවිය පැහැර ගත් බව විමර්ශනවලදී අනාවරණය කරගෙන ඇති අතර ඔහු අද ගල්කිස්ස මහේස්ත්‍රාත් අධිකරණයට ඉදිරිපත් කිරීමට නියමිතව තිබිණි.