විශ්වවිද්‍යාලයේ පීඩාකාරී තත්වයන් හේතුවෙන් දරුවන් සියදිවි හානිකර ගන්නවා
ගාල්ල කරාපිටිය ශික්ෂණ රෝහලේ මනෝ වෛද්‍ය රූමි රූබන් මහතා පෙන්වා දෙන්නේ විශ්වවිද්‍යාල පරිසරය තුළ පවතින ඇතැම් පීඩාකාරී තත්ත්වයන් සිසුන් අතර සියදිවි නසාගැනීමේ අවදානම වැඩි කිරීමට හේතු විය හැකි බවයි. සමහර විශ්ව විද්‍යාලවල ඉගෙනුම් ක්‍රියාවලිය නිර්මාණයවී ඇත්තේ පීඩනය වැඩිවන ආකාරයට බවද ඔහු සඳහන් කළේය.
විශේෂඥ මනෝ වෛද්‍යවරයාට අනුව, බොහෝ විට ඉහළ පීඩනයක් සමඟ ඇති වන විශාදය සහ ආවේගශීලී බව වැනි තත්වයන් නිසා ශිෂ්‍යයන් මෙවැනි අභාග්‍ය සම්පන්න ඉරණම්වලට ගොදුරු විය හැකි. ආර්ථික පීඩනය සහ මානසික අවපීඩනය මෙම තත්ත්වය තවදුරටත් උග්‍ර කළ හැකි බව ද ඔහු සඳහන් කළේය.
රූමි රූබන් මහතා පෙන්වා දුන්නේ කුඩා කාලයේ සිටම සමහර දරුවන්ට දෙමාපියන් ඔවුන් වෙනුවෙන් සෑම දෙයක්ම කර ඇති නිසා ගැටලුවලට මුහුණ දීමට අපහසු විය හැකි බවයි. මීට අමතරව, සමහර ශිෂ්‍යයන් සමාජය සමග ගැටෙන්නේත් ප්‍රශ්නවලට මුහුණ දෙන්නේත් විශ්වවිද්‍යාලවලට පැමිණි පසුව බවයි.
තවද, නිවසින් බැහැරව සිටීම සහ නේවාසිකාගාරවල තනිව ජීවත්වීම බොහෝ සිසුන් අතර විවිධ මානසික ව්‍යාකූලතා ඇති කිරීමට හේතු විය හැකි බව මනෝ වෛද්‍යවරයා අවධාරණය කළේය.
280 Views
Comments