APR
02
රාජ්‍ය පාලනය ගැන උගන්වන විශ්වවිද්‍යාලයක් අරින්න ජනපතිගෙන් සැලසුමක්
සංචාරයක නිරත ඉන්දියාවේ යහපාලන ආයතනයේ අධ්‍යක්ෂ ජනරාල් භරත් ලාල් මහතා සහ මෙරට ඉන්දීය මහකොමසාරිස් ගෝපාල් බග්ලේ මහතා ඊයේ (01) ජනාධිපති නිල නිවසේ දී, ජනාධිපති රනිල් වික්‍රමසිංහ මහතා හමුවී සාකච්ඡාවක නිරත වී තිබෙන බව ජනාධිපති මාධ්‍ය අංශය ප්‍රකාශ කර සිටී.
මෙම සාකච්ඡාවේ දී මෙරට රාජ්‍ය සේවයේ ඵලදායී වෙනසක් ඇති කිරීම සඳහා උපකාර කරන්නේ කෙසේද යන්න පිළිබඳව සාකච්ඡාවට බඳුන් වූ බව වාර්තා වේ.
මෙරට තුළ රාජ්‍ය පාලනය සහ රාජ්‍ය ප්‍රතිපත්ති පිළිබඳ විශ්ව විද්‍යාල පිහිටුවීමට සහාය වන ලෙස ජනාධිපතිවරයා මෙම හමුවේ දී ඉන්දීය යහපාලන ආයතන අධ්‍යක්ෂවරයාගෙන් ඉල්ලීමක් කළ බව ජනාධිපති මාධ්‍ය අංශය වැඩිදුරටත් සඳහන් කර සිටී.
237 Views
Comments