කිලිනොච්චියේ මාරක අනතුරකින් බරපතල තුවාල ලැබූ සිව්දෙනෙකු රෝහලේ

කිලිනොච්චිය පුනරීන් ප්‍රදේශයේ දී ඊයේ සවස වෑන් රථයක් මාර්ගය ආසන්නයේ විදුලි කණුවක ගැටීමෙන් පුද්ගලයන් සිව්දෙනකු බරපතල තුවාල ලබා රෝහල් ගත කර ඇති බව වාර්තා වේ.

 

මෙම අනතුරින් වෑන් රථයේ රියදුරු ඉදිරිපස ගමන්ගත් පුද්ගලයෙකු හා පසුපස ආසන වල සිටි පුද්ගලයන් දෙදෙනෙකු තුවාල ලබා ඇති බව පුනරීන් පොලිසිය පවසා සිටී.

 

වෑන් රථයේ රියදුරුට නින්ද යාම නිසා මෙම අනතුර සිදුවන්නට ඇතැයි පොලිසිය විශ්වාස කරන අතර, අනතුරින් තුවාල ලැබූ පිරිස කිලිනොච්චිය රෝහලේ ප්‍රතිකාර ලබන බව සඳහන් වේ.