31 වනදා සිට පළාත් සංචරණ සීමා ඉවතට

කොවිඩ් 19 පාලනය සඳහා පනවනු ලැබූ පළාත් අතර සංචරණ සීමා ලබන 31 වැනිදා අලු‍යම 4ට  ඉවත් කිරීමට ජනාධිපතිවරයා තීරණය කළ බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුධ හමුදාපති ජෙනරාල් ශවේන්ද්‍ර සිල්වා මහතා පැවැසුවේය.

 

කොවිඩ් මර්දන ජනාධිපති කාර්ය සාධක බලකාය ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද(22) පෙරවරුවේ රැස්වූ අතර ජනාධිපතිවරයා මේ තීරණය දැනුම් දුන්නේ ඒ රැස්වීමේදීය.

 

ඒ අනුව පළාත් අතර සංචරණ සීමා මාස දෙකකට ආසන්න කාලයක් ක්‍රියාත්මක විය.