යළි හස ඔසවන යාපනයේ කඩු කල්ලි

යාපනයේ නීර්වේලී ප්‍රදේශයේ නිවසකට පසුගිය 21 වනදා රාත්‍රීයේ ඇතුලූවූ කඩු පොලූ රැගත් පිරිසක් එම නිවසේ භාණ්ඩවලට අලාභහානි සිදුකොට නිවසේ සිටි දෙදෙනෙකුට කඩු ප්‍රහාර එල්ලකොට නිවැසියන්දට තුවාල සිදුකර පලාගොස් ඇත.

 

මේ අවස්ථාවේදී තුවාල ලැබූවන් දෙදෙනා යාපනය ශික්ෂණ රෝහලට ඇතුළත්කොට තිබේ.

 

ප්‍රහාරය සඳහා පස්දෙනකු හෝ හයදෙනකුගෙන් සමන්විත කණ්ඩායමක් පැමිණ ඇති බවට යාපනය පොලිසියට තොරතුරු ලැබී ඇති අතර ඔවුන්ව අත්අඩංගුවට ගැනීම සඳහා පරීක්ෂණ ආරම්භකොට තිබේ.

 

එම නිවසට එළෙස ප්‍රහාරය එල්ල වීමට හේතුව මෙතෙක් අනාවරණය වී නොමැත.

 

සිද්ධිය සම්බන්ධයෙන් යාපනය පොලිසිය පරීක්ෂණ පවත්වයි.