ඡන්දය නොපැවැත්වෙන බව ස්ථීරයි ගැසට් සියල්ල නිකුත් කර අවසන්

පළාත් පාලන ඡන්දය අප්‍රේල් 25 වන දිනට නියමිත පරිදි පැවැත්විය නොහැකි බව සඳහන් කරමින් සියළුම දිස්ත්‍රික් තේරීම්භාර නිලධාරීන් විසින් ගැසට් නිවේදන නිකුත් කොට තිබෙන බව වාර්තා වේ.

 

මහා භාණ්ඩාගාරය මුදල් වෙන් කළ පසු හෝ ශ්‍රේෂ්ඨාධිකරණයේ විභාග වන නඩුවේ තීන්දුව ලබා දුන් පසු මැතිවරණය පැවැත්වෙන නව දිනය ප්‍රකාශයට පත්කෙරෙන බව ඒවායේ සඳහන් වේ.

 

පසුගියදා රැස්වූ මැතිවරණ කොමිෂන් සභාව පළාත් පාලන ඡන්දය දින නියමයක් නොමැතිව කල් දැමූ අතර, ඒ අනුව ඊට අදාළ ගැසට් නිවේදන දිස්ත්‍රික් තේරීම් භාර නිලධාරීන් විසින් මෙලෙස නිකුත් කර ඇති බව සඳහන් වේ.