පෙරියපාඩු වෙරළ තීරයේ නාඳුනන මළ සිරුරක්

ඊයේ සවස පෙරියපාඩු වෙරළ තීරයේ තිබී අවුරුදු 50 ත් 60 ත් අතර වයසක පසුවන පුද්ගලයෙකුගේ මළ සිරුරක් සොයාගෙන ඇති බව වාර්තා වේ.

 

අඩි 5 යි අඟල් 6 ක් පමණ උසැති මෙම පුද්ගලයාගේ අනන්‍යතාවය මෙතෙක් තහවුරු වී නොමැති බව සඳහන් වන අතර මෘත ශරීරය පොලිස් ආරක්ෂාව යටතේ එම ස්ථානයේම තබා තිබෙන බවත්, අද දින මහේස්ත්‍රාත් පරීක්ෂණය සිදු කිරීමට නියමිතව තිබෙන බවත් සඳහන් වේ.

 

මේ පිළිබඳ වැඩිදුර විමර්ශන උඩප්පුව පොලිසිය විසින් සිදු කෙරේ.