තණමල්විල සිට කොළඹට ගවයින් ඇද්ද දෙදෙනෙක් උඩවලවේදී දැලේ

තණමල්විල සිට කොළඹ දක්වා බලපත්‍ර නොමැතිව ලොරි රථයකින් ගවයින් ප්‍රවාහනය කළ දෙදෙනෙකු උඩවලව විශේෂ කාර්ය බලකායේ නිලධාරීන් විසින් අත්අඩංගුවට ගෙන ඇති බව වාර්තා වේ.

 

ඉතා හිංසාකාරී ලෙස ගවයින් 33 ක් මෙම ලොරි රථයේ ප්‍රවාහනය කර ඇති අතර, එහිදී ගවයින් දෙදෙනෙකු මියගොස් සිටි බවද පොලිසිය සඳහන් කර සිටී.

 

ලුණුගම්වෙහෙර පදිංචි මෙම සැකකරුවන් දෙදෙනා අත්අඩංගුවට ගෙන ඇති අතර ඔවුන් ඇඹිලිපිටිය මහේස්ත්‍රාත් අධිකරණයට ඉදිරිපත් කිරීමට නියමිතව ඇත.