තොටිල්ලේ ගෙල සිරවී 12 හැවිරිදි දරුවා ජීවිතක්ෂයට

හපුතලේ පිටරත්මලේ වත්ත ප්‍රදේශයේ නිවසක් තුළදී සාරි පොටක් මගින් සකස් කර තිබූ තොටිල්ලක ගෙල සිරවීමෙන් 12 හැවිරිදි දරුවෙකු ජීවිතක්ෂයට පත්ව තිබේ.

 

පසුගිය 22 වනදා රාත්‍රියේ මෙම දරුවා සිය සහෝදරයන් සමඟ සෙල්ලම් කරමින් සිට ඇති අතර මව විසින් දරුවන් දෙදෙනෙකු නිදි කරවීමට වෙනත් කාමරයකට ගොස් ඇත.

 

පසුව මව නැවත පැමිණ බලන විට අදාල දරුවා බාල්කයේ එල්ලා තිබූ තොටිල්ල සකස් කර තිබූ සාරිපොට ගෙල සිට වී සිටිනු දැක ඇත.

 

පොලීසිය ප්‍රකාශ කළේ ඒ වන විටත් දරුවා මියගොස් තිබූ බවයි.

 

එම දරුවාගේ පශ්චාත් මරණ පරීක්ෂණය ඊයේ (23) දිනයේ සිදු කර ඇති අතර එහිදී අනාවරණය වී ඇත්තේ ගෙල සිරවීමෙන් මෙම මරණය සිදුව ඇති බවයි.