APR
28
මෙරටට තෙල් බෙදන්න එන ඔස්ට්‍රේලියා සමාගම සමග විශේෂ සාකච්ඡාවක්
ඔස්ට්‍රේලියාවේ යුනයිටඩ් පෙට්‍රෝලියම් සමාගම සහ බලශක්ති අමාත්‍යාංශය යන දෙපාර්ශ්වයේ නිලධාරීන් අතර මාර්ගගත ක්‍රමය ඔස්සේ අද (28) උදෑසන සාකච්ඡාවක් පවත්වා ඇති අතර එහිදී මෙරට ඉන්ධන ආනයනය, බෙදාහැරීමේ සහ අලෙවි කිරීමේ ව්‍යාපාර ආරම්භ කිරීමට අවශ්‍ය ව්‍යාපර බලපත්‍ර, ගිවිසුම, රජයේ ප්‍රතිපත්ති, යටිතල පහසුකම්, ගිවිසුම්ගත වන දින වකවානු සහ මෙහෙයුම් කටයුතු ආරම්භ කරන කාලරාමුව පිළිබඳව සාකච්ඡා වී තිබේ.
ඒ අනුව එම සමාගමේ නිලධාරීන් විසින් එළඹෙන සතියේදී මෙරට ව්‍යාපාර ආරම්භ කරන දින වකවානු පිළිබඳව දැනුවත් කරන බවත් ප්‍රකාශ කර තිබේ. මෙම අවස්ථාවට විදුලිබල සහ බලශක්ති අමාත්‍යංශයේ නිලධාරීන්, මුදල් අමාත්‍යංශයේ නිලධාරීන්, ශ්‍රී ලංකා මහ බැංකුව, ආයෝජන මණ්ඩලය, ඛණිජ තෙල් සංස්ථාව සහ ඛණිජ තෙල් තොග ගබඩා පර්යන්තය වෙනුවෙන් නිලධාරීන්ද එක්වී තිබේ.
313 Views
Comments