කයිට්ස් හි ගින්නකට හසුවී කාන්තාවන් දෙදෙනක් මරු දකී

කයිට්ස්  ශාන්ත මේරි  මාවතේ නිවසක පිටුපස ගිනි ගැනීමක් හේතුවෙන් කාන්තාවන් දෙදෙනෙක් මිය ගොස් තිබේ. මියගොස් ඇත්තේ වයස අවුරුදු 74 සහ  72 වයස්වල පසුවන එකම පවුලේ සහෝදරියන් දෙදෙනෙකි.

 

මෙම  කාන්තාවන් දෙදෙනා නිවසේ තනිව පදිංචිව සිට ඇති අතර  එක් කාන්තාවක් විවාහකය.  ඇයගේ සැමියා සහ පුත්‍රයා මිය ගොස් ඇති බවට හෙළි වී ඇත. ඒ  හේතුවෙන් ඇය තම අවිවාහක  සහෝදරිය සමග අදාළ නිවසේ ජීවත්ව සිට තිබේ. මෘත ශරීර  පශ්චාත් මරණ පරීක්ෂණය සඳහා යාපනයේ රෝහලේ තැන්පත් කර ඇත.

 

සිද්ධිය සම්බන්ධයෙන් කයිට්ස් පොලීසිය පරීක්ෂණ ආරම්භ කර තිබේ.