අධික වර්ෂාවෙන් කඳුකරයේ වගා බිම් රැසක් විනාශයි

මේ දිනවල පවතින අධික වර්ෂාව සහ අයහපත් කාලගුණික තත්ත්වය හේතුවෙන් මධ්‍යම පළාතේ බොහෝ ප්‍රදේශ වල වගා බිම් යටවී ඇති බව වාර්තා වේ.

 

කඳපොල, උඩුපුස්සැල්ලාව ආදී ප්‍රදේශ වල එළවළු වගා බිම් රැසක් මෙසේ ජලයෙන් යටවීම හේතුවෙන් එම වගා බිම්වල වගා කොට තිබූ බීට්රූට්, අර්තාපල්, නෝකෝල්, සලාද, මාළු මිරිස් ඇතුළු එළවලු වර්ග රැසක් විනාශයට පත්වී ඇති බව සඳහන් වේ.

 

මෙම වගාබිම් විනාශ වීම, විවිධ දුෂ්කරතා මධ්‍යයේ වගා කටයුතු වල නිරත වන ගොවීන්ට දැඩිව බලපාන කරුණක් වී තිබේ. අයහපත් කාලගුණය නිසා උඩුපුස්සැල්ලාව නුවරඑළිය මාර්ගය ද ජලයෙන් යට වී රථවාහන ගමනාගමනයට බාධා එල්ලව තිබූ බව වාර්තා වේ.