මැනිං වෙළෙඳපොලේ සිදුවන අසාධාරණයක් ගැන විජිත හේරත් හෙළි කරයි

මැනිං වෙළෙඳපොලේ වෙළෙඳාම් කටයුතු කරන වෙ‌ළෙඳුන්ට අවශ්‍ය මූලික පහසුකම්වත් සපයා නොමැති නමුත්, වෙළෙඳුන්ගෙන් අය කරන බදු මුදල නම් 800% කින් පමණ වැඩි කර ඇතැයි ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් මහතා අනාවරණය කොට සිටී.

 

එසේම, පරම්පරාවෙන් පරම්පරාවට හිමිව තිබූ අයිතිය පවා එම කඩ හිමියන්ට අහිමි කර ඇතැයි ද කියා සිටින ඒ මහතා මේ සියල්ල සිදු වන්නේ ජාත්‍යන්තර මූල්‍ය අරමුදලේ අවශ්‍යතා මත දැයි ප්‍රශ්න කොට සිටී.