කොල්ලුපිටියේ කාර්යාලයකින් ලැප්ටොප් ඉස්සු කතට වැඩ වරදී

කොල්ලුපිටිය පොලිස් වසමේ පිහිටි ලංකා සංචාරක මානව සම්පත් හා පාලන කාර්යාංශයේ ලක්ෂ 05 කට අධික වටිනාකමකින් යුත් ලැප්ටොප් පරිගණක දෙකක් සොරකම් කර ඇති බව වාර්තා වේ.

 

සොරකම සම්බන්ධයෙන් එදිනම එම ආයතනයේ පුද්ගලික පිරිසිදු කිරීමේ අංශයක සේවය කළ කාන්තාවක් ලැප්ටොප් පරිගණක දෙක සමග අත්අඩංගුවට ගෙන ඇති බව වාර්තා වේ.

 

අත්අඩංගුවට ගත් සැකකාරිය වයස අවුරුදු 58 ක් වන බොරැල්ල ප්‍රදේශයේ පදිංචිකාරියක් බව අනාවරණය වී තිබේ.

 

ඇය ඊයේ (03) දින කොටුව මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන මැයි (05) දින තෙක් රක්ෂිත බන්ධනාගාර ගත කර ඇති බව වාර්තා වේ.

 

මෙම සිද්ධිය සම්බන්ධයෙන් කොල්ලුපිටිය පොලිසිය විසින් වැඩිදුර විමර්ශන සිදු කෙරේ.