පානදුර මෝය කටෙන් නාඳුනන මළ සිරුරක්

පානදුර සාගර මාවතේ මෝය කට අසල දුම්රිය පාලම යට ගං ඉවුරේ තිබී නාඳුන මළ සිරුරක් හමුව තිබේ.

 

ඊයේ (30) උදෑසන අවුරුදු 50ක පමණ පිරිමි පුද්ගයෙකුගේ මළ සිරුරක් හමුව ඇති බවත් මියගිය තැනැත්තාගේ අනන්‍යතාවය මෙතෙක් තහවුරු වී නොමැති බවත් පොලීසිය පවසයි.

 

මළ සිරුරේ දෙපා දණ හිසෙන් පහළ කොටස නොමැති අතර කොන්දේ තුනටිය අසල තුවාල වී අති බව වාර්තා වේ.

 

තවද එම පුද්ගලයාගේ කොණ්ඩය නොමැති අතර මෘත ශරීරය හඳුනාගත නොහැකි තරමට ඉදිමී ඇති බවත් සඳහන් වේ.

 

මෘත ශරීරය පශ්චාත් මරණ පරීක්ෂණය සඳහා නාගොඩ රෝහලේ මෘත ශරීරාගාරයේ තැන්පත් කර ඇති අතර පානදුර දකුණු පොලීසිය වැඩිදුර විමර්ශන සිදුකරනු ලබයි.