රජය අලුතින් බදු පැනවූයේ නැතිවුවහොත් දැඩි මූල්‍ය අර්බුදයක් ඇතිවෙනවා – දේශීය ආදායම් දෙපාර්තමේන්තුව

බොහෝ ක්ෂේත්‍රයන්හී බදු ඉවත් කිරීමට සහ බදු අඩු කිරීමට 2019 ගත් තීරණය හේතුවෙන් රජයට දිගින් දිගටම බදු ආදායමෙන් විශාල පාඩුවක් සිදුවෙමින් පවතින බව දේශීය ආදායම් දෙපාර්තමේන්තුවේ නිලධාරීන් අනතුරු අඟවනවා.

 

 

ඔවුන් සදහන් කරන්නේ රජය හදිසි බදු ප්‍රතිසංස්කරණ සිදු නොකළහොත් තත්ත්වය වඩාත් නරක අතට හැරෙනු ඇති බවයි.

 

 

දේශීය ආදායම් සේවා සංගමයේ ලේකම් එච්.ඒ.එල් උදයසිරි මහතා පවසන්නේ පවතින බදු විශාල ලෙස කප්පාදු කිරීමට රජය ගත් තීරණය හේතුවෙන් 2019 දී දේශීය ආදායම් දෙපාර්තමේන්තුවට හිමිවිය යුතු ආදායම රුපියල් බිලියන 1,025 සිට 2020 දී රුපියල් බිලියන 424 දක්වා පහත වැටී ඇති බවයි.