වගා ළිඳට වැටී බේරාගත් වන අලියා මිනිස් ජීවිතයක් බිලිගනී

වගා ළිඳකට වැටී සිටි වන අලියෙකු බේරාගත් පිරිසකට එම වන අලියා පහරදීමෙන් එක් පුද්ගලයෙකු ජීවිතක්ෂයට පත්ව තිබේ.

 

මහව කරුවලගහවත්ත ප්‍රදේශයෙන් එම අවාසනාවන්ත පුවත අද(14) වාර්තා විණි.

 

අවුරුදු 3ක් පමණ වන එම වන අලියා බේරාගැනීමට ගම්වාසීන් අද උදෑසන සිට දැඩි පරිශ්‍රමයක් දරා තිබුණි.

 

කෙසේවුවද අලියා බේරී පළායන අවස්ථාවේ අවට පිරිස ලු‍හුබඳිමින් වන අලියා කලබලකාරී ලෙස හැසිරී ගම්වැසියෙකුට පහරදී ඇති අතර ඔහු එම ස්ථානයේම මරණයට පත්ව තිබුණි.

 

මෙලෙස මියගොස් ඇත්තේ වයස අවුරුදු 55 ක් පමණ වන මෙම අවිවාහක පුද්ගලයෙකි.