ආදරවන්තයින්ගේ රෝස මලටත් ආර්ථිකය හරස්වෙයි

ආදරවන්තයින්ගේ සංකේතය වන රෝස මල පසුගිය වසරවල ආදරවන්තයන්ගේ දිනයේදී දී සුලභව දැකිය හැකි දසුනක් වූ නමුත් උග්‍ර ආර්ථික අර්බුදය අද එයට හරස් වී තිබේ.

 

පසුගිය වසර වල ආදරවන්තයින්ගේ දිනය වෙනුවෙන් මෙරට බොහෝ නගරවල මල්කළඹ අලෙවි කිරීමට සූදානම් කර තිබුණේ ආදරවන්තයින්ට සතුටක් ලබා දෙන අතරතුර තවත් අයගේ ජීවන උපාය මාර්ගය සකස් කර දෙමිනි.

 

නමුත්, මෙම වසරේ එවැනි තත්වයක් සිදු නොවූයේ රෝස මල්වල මිල අධික ලෙස ඉහළ යාම හේතුවෙනි. එක රෝස මලක මිල රුපියල් 400 ත් 600 ත් වීම මෙසේ අලෙවිය පහලට යාම හේතු වී ඇත. ඒ අනුව රෝසමල් 12 කින් යුත් මල් කළඹක් අලෙවි වී ඇත්තේ රුපියල් 12,000 කට ආසන්න මිලකටයි.