ලෝක ඉතිහාසයේ අති දුර්ලභ දෙමුහුන් සූර්යග්‍රහණය අනිද්දා
දුර්ලභ දෙමුහුන් සුර්යග්‍රහණයක් අනිද්දා (20) දින සිදුවන බව කොළඹ විශ්වවිද්‍යාලයේ තාරකා විද්‍යා සහ අභ්‍යවකාශ විද්‍යා ඒකකයේ අධ්‍යක්ෂ මහාචාර්ය චන්දන ජයරත්න මහතා පවසා සිටී.
බටහිර ඕස්ට්‍රේලියාව, නැගෙනහිර ටිමෝරය සහ නැගෙනහිර ඉන්දුනීසියානු දූපත් වල සිටින ජනතාවට මෙය දර්ශනය වන බවත්, එය ශ්‍රී ලංකාවට දැකගත නොහැකි බවත් ඔහු කියා සිටී.
විශ්වීය සංසිද්ධියක් ලෙස හැඳින්වෙන මෙය දශකයකට වරක් සිදුවන බව සඳහන් වේ.
දෙමුහුන් සූර්යග්‍රහණය යනු චන්ද්‍රයාගේ සෙවනැල්ල පෘථිවි පෘෂ්ඨය හරහා ගමන් කරන සුවිශේෂී සූර්යග්‍රහණයකි.
එයින් ඇඟවෙන්නේ ඔබ සිටින ස්ථානය අනුව, මිනිසුන්ට සඳෙන් අඩකට වැඩියෙන් හෝ සම්පූර්ණයෙන්ම අඳුරු වී ඇති සූර්යයා නැරඹීමට හැකි වන අතර, දිවා ආලෝකය අඳුරු වන බවයි.
සූර්යයා චන්ද්‍රයාට වඩා තරමක් කුඩා ලෙස පෙනෙන විට "වළයාකාර" සූර්යග්‍රහණයක් සිදු වන අතර, සඳෙහි ඡායාව වටා දීප්තිමත් ආලෝක වලල්ලක් ඉතිරි වේ.
මෙම සිදුවීම බටහිර ඕස්ට්‍රේලියාව සහ අග්නිදිග ආසියාව ඇතුළු සමකයට සහ දකුණු අර්ධගෝලයට ආසන්න ප්‍රදේශ වල දළ වශයෙන් දේශීය වේලාවෙන් පෙරවරු 11.30 ට දෘශ්‍යමාන වනු ඇති බවට වාර්තා වේ.
430 Views
Comments