තලේබාන්ලා ෆේල් – යුරෝපා සංගමය

 

වසරකට පෙර ඇෆ්ගනිස්ථානයේ බලය අල්ලාගෙන නව රජයක් පිහිටුවා ගත් තලේබාන් බවත් , මානව හිමිකම් අඛණ්ඩව උල්ලංඝනය කරමින් සිටින බවත්, යුරෝපීය සංගමයේ බාහිර ක්‍රියාකාරී සේවාව (EEAS) ප්‍රකාශ කර තිබේ.

 

වසරකට පෙර, තලේබාන් සංවිධානය දශක ගණනාවක් තිස්සේ පවතින ඇෆ්ගන් ගැටුම සමථයකට පත් කිරීම සඳහා ඇෆ්ගන් ජනතාවට සහ ජාත්‍යන්තර ප්‍රජාවට දුන් පොරොන්දු කඩ කළ බව EEAS නිවේදනයක් නිකුත් කරමින් පවසා ඇත.

 

ඒ වෙනුවට, ඔවුන් ව්‍යවස්ථාපිතව පදනම් වූ ඇෆ්ගනිස්ථාන රජය බලහත්කාරයෙන් පෙරලා දමා ඇති බවත්, තලේබාන් සංවිධානය ද ඇතුළත් පුලුල් දේශපාලන ක්‍රමයක් ස්ථාපිත කිරීමට අපොහොසත් වී ඇති බවත් එමඟින් ඇෆ්ගන් ජනතාවගේ අභිලාෂයන් ප්‍රතික්ෂේප කර ඇති බවත් එම නිවේදනයේ වැඩිදුරටත් දැක්වේ.

 

ගැහැණු ළමයින්ට ද්විතීයික අධ්‍යාපනය සඳහා ප්‍රවේශය ප්‍රතික්ෂේප කිරීම, අනිවාර්ය ඇඳුම් නීති හඳුන්වා දීම සහ කාන්තාවන් ආර්ථික හා පොදු ජීවිතයෙන් හුදකලා කරන නිදහස් සීමා කිරීම මගින් තලේබාන් සංවිධානය කාන්තාවන්ගේ අයිතිවාසිකම් උල්ලංඝනය කරන බව එමගින් පෙන්වා දී තිබේ.

 

ප්‍රචණ්ඩත්වය සහ බලහත්කාර විවාහවලින් කාන්තාවන් සහ ළමුන් ආරක්ෂා කිරීමේ යාන්ත්‍රණයන් විසුරුවා හැරීම නිසා ගෘහස්ථ ප්‍රචණ්ඩත්වය ඉහළ ගොස් ඇති බව ද EEAS සඳහන් කර ඇත.