චීනයේ කුඩා ගැහැණු දරුවෙකුගේ මොළයේ නිවුන් කලලයක්

චීනයේ වයස අවුරුද්දක් වන ගැහැණු දරුවකුගේ ශාරීරික ක්‍රියාකාරීත්වය මන්දගාමී වීම සහ හිස විශාල වීම හේතුවෙන් සිදු කළ පර්යේෂණයකින් ඇයගේ මොළය තුළ නූපන් නිවුන් කලලයක් තැන්පත් වී ඇති බව දැනගන්නට ලැබුණු බව වාර්තා වේ.

 

මොළය තුළ කලලයක් තැන්පත් වන දුර්ලභ අවස්ථාවක් ලෙස වෛද්‍යවරුන් මෙය අර්ථ දක්වන අතර, මෙය පරපෝෂිත නිවුන් තත්ත්වයක් ලෙසද හැඳින්විය හැකිය.

 

ගැබ් ගැනීම ආරම්භයේ දී මෙය සිදුවන බව වාර්තාවල සඳහන් වන අතර මෙම තත්වය හටගැනීමට හේතු වන්නේ ශුක්‍රාණු සහ ඩිම්බ සංසේචනය වීමෙන් පසු සෑදෙන සෛල නිසි ලෙස වෙන් වීමට අපොහොසත් වීමත් සමග අනෙකුත් කලල මුල් කලලය තුල තැන්පත් වීමෙනි.