දෙමළ ජාතික සන්ධානය නිවස හදයි

 

දෙමළ ජාතික සන්ධානය එළැඹෙන පළාත් පාලන මැතිවරණය සඳහා ඉලංගෙයි තමිල් අරසු කච්චි පක්ෂයෙන් මැතිවරණයට තරඟ කරන බව දෙමළ ජාතික සන්ධානයේ පාර්ලිමේන්තු මන්ත්‍රී සිවඥානම් ශ්‍රීධරන් මහතා පැවසීය.

 

ඒ මහතා පැවසුවේ පසුගිය මැතිවරණවලදිත් දෙමළ ජාතික සන්ධානයේ සියලුම සාමාජික පක්ෂ එම පක්ෂයේ ප්‍රධාන පක්ෂය වන ඉලංගෙයි තමිල් අරසු කච්චි පක්ෂයේ නිවස ලාංඡනයෙන් මැතිවරණවලට ඉදිරිපත් වු බවත් එයාකාරයෙන්ම මෙවර පළාත් පාලන මැතිවරණයටත් තරඟ කරන බවත්ය.

 

ඉලංගෙයි තමිල් අරසු පක්ෂයේ මධ්‍යම කාරක සභාව හෙට මඩකළපුව කලවංචිකුඩියේදි රැස්වීමට නියමිතය.

 

ශ්‍රීධරන් මහතා පැවසුවේ ඉලංගෙයි තමිල් අරසු කච්චි පක්ෂයේ මධ්‍යම කාරක සභා රැස්වීමේදීත් මේ පිළිබඳව සාකච්ඡා කිරීමට නියමිතව ඇති බවයි.

 

දෙමළ ජාතික සන්ධානය ඉලංගෙයි තමිල් අරසු කච්චි, ප්ලොට්, ටෙලෝ පක්ෂ වලින් සමන්විතය.