ඩිජිටල් විප්ලවයක් අරඹන බවට සජිත්ගෙන් ප්‍රතිඥාවක්

පළාත් පාලන මැතිවරණය වෙනුවෙන් සමගි ජන බලවේගය විසින් සංවිධානය කොට ඇති ජනරැළි මාලාවක් මේ දිනවල රට පුරා පැවැත්වෙමින් තිබේ.

 

එහි එක් රැළියක් ඊයේ දින ගොඩකවෙල නගරයේ දී පැවැත්වුණු අතර, එහි රැස්ව සිටි ජනතාව අමතමින් සමගි ජන බලවේගයේ නායක පාර්ලිමේන්තු මන්ත්‍රී සජිත් ප්‍රේමදාස මහතා කියා සිටියේ මානුෂීය ධනවාදි ක්‍රමයක් තුළ යුක්තිය සහ සාධාරණත්වය රජයන ආර්ථික රටාවක් රට තුළ බිහිකරලීමට කැපවන බවයි.

 

එසේම ඩිජිටල් විප්ලවයක් හරහා ආර්ථිකය සංවර්ධනය කරලීමට ද තමන් සූදානම් බව ඒ මහතා අවධාරණය කොට සිටියේය.