ගින්නකට හසුවූ කාන්තාවක් මරුට

පොල්පිතිගම නාගොල්ලගම ප්‍රදේශයේ දී 70 හැවිරිදි කාන්තාවක් පිළිස්සී මියගොස් ඇති බව පොලීසිය පවසයි.

 

එම කාන්තාව තම නිවස අතුගා කුණු රොඩු ගිනි තබා ඇති අතර එම අවස්ථාවේ ඇතිවූ සුළං තත්ත්වයක් හේතුවෙන් අවට තිබූ මානා ගස්වලට ගිනි ඇවිලි තිබේ.

 

අනතුරුව එම කාන්තාව ගින්න නිවා දැමීමට උත්සාහ කිරීමේදී ඇඳුමටද ගිනි ඇවිලීමෙන් ඇය මරණයට පත්ව ඇති බවට පොලීසිය සැක පළ කරයි. 

 

මරණය සම්බන්ධයෙන් මහේස්ත්‍රාත් පරීක්ෂණය හා පශ්චාත් මරණ පරීක්ෂණය සිදුකිරිමට නියමිත අතර සිද්ධිය පිළිබඳව පොල්පිතිගම පොලිසිය වැඩිදුර විමර්ශන සිදුකරයි.