සදුදා සිට සතියේ දින පහේම පාසල් පැවැත්වේ

රජයේ සහ රජයේ අනුමත සියලු පාසල් ලබන 15 වනදා සිට සතියේ දින පහේම පැවැත්වීමට අධ්‍යාපන අමාත්‍යාංශය තීරණය කර තිබේ.

 

පාසල් සාමාන්‍ය වේලාවන් තුළ දී එනම් පෙරවරු 7.30 සිට පස්වරු 1.30 දක්වා පැවැත්වීමට නියමිතය.

 

අධ්‍යාපන අමාත්‍යංශය නිවේදනයක් නිකුත් කරමින් මේ බව සඳහන් කර තිබේ.

 

ප්‍රවාහන අපහසුතා සහිත විදුහල්පතිවරුන්, ගුරුවරුන් සහ සිසුන් සඳහා සුදුසු වැඩපිළිවෙළක් සකස් කරන ලෙස පළාත් බලධාරීන්ට උපදෙස් ලබා ඇති බව අධ්‍යාපන අමාත්‍යාංශය නිකුත් කළ නිවේදනයේ සඳහන් වේ.

 

එසේම ඉදිරි මාස 3ක කාලය තුළ පාසල් කාලය විෂයය ඉගැන්වීම සඳහා පමණක් යොදා ගන්නා ලෙස ද විෂය සමගාමී සහ විෂය බාහිර ක්‍රියාකාරකම් පාසල් කාලයෙන් පරිබාහිරව සිදු කරන ලෙස ද පාසල්වල පැවැත්වෙන උත්සව සීමා කිරීමටත් වැඩිදුරටත් උපදෙස් ලබා දී තිබේ.