ජනගහනයෙන් 17%ක පිරිසක් ආහාර අනාරක්ෂිතභාවයෙන් පීඩාවට

එක්සත් ජාතීන්ගේ ආහාර හා කෘෂිකර්ම සංවිධානය සහ ලෝක ආහාර වැඩපිළිවෙල ඒකාබද්ධව සිදුකළ ආහාර සුරක්ෂිතතාව පිළිබඳ මෙහෙයුම් වාර්තාවට අනුව මෙරට ජනගහනයෙන් 17%ක පිරිසක් මධ්‍යස්ථ උග්‍ර ආහාර අනාරක්ෂිතභාවයෙන් තවදුරටත් පීඩාවට ලක්වෙමින් සිටින බව අනාවරණය වී තිබෙනවා.
 

 

 

ඒ අනුව උතුරු, නැගෙනහිර සහ මධ්‍යම පළාත්වල වැඩි පිරිසක් මෙලෙස ආහාර අනාරක්ෂිතභාවයට පත්ව සිටින බව සඳහන්.
 

 

 

කෙසේවෙතත් පසුගිය වර්ෂයේ ජුනි සහ ජූලි මාස සමග සැසඳීමේදී ආසන්න වශයෙන් 40%ක අඩුවීමක් බවයි එක්සත් ජාතීන්ගේ ආහාර හා කෘෂිකර්ම සංවිධානය පෙන්වාදෙන්නේ.

 

 

එමෙන්ම පසුගිය වසරේ දැඩි ආහාර අනාරක්ෂිතභාවයට පත් වූ 66,000ක් මේ වසර වන විට ආසන්න වශයෙන් 10,000ක් දක්වා අඩුවී ඇති බව සඳහන්.