කඳු තරණයට ගිය විදේශීය තරුණියක් අතුරුදහන්

කඩුගන්නාව ප්‍රදේශයේ පිහිටි කන්දක් නැගීමට ගිය 32 හැවිරිදි ඩෙන්මාර්ක් ජාතික සංචාරක කාන්තාවක් 10 වෙනිදා සිට අතුරුදහන්ව සිටින බව මහනුවර සංචාරක පොලීසිය පවසයි.

පසුගිය 10 වැනිදා උදේ 8:30 ට පමණ කඩුගන්නාව ප්‍රදේශයේ පිහිටි කන්දක් නැගීමට යන බව පවසා ඇය හෝටලයෙන් පිටව ගොස් ඇතැයි පොලිසිය කියයි.

ඇය නැවත හෝටලයට නොපැමිණි බව කියමින් එම හෝටලේ අයිතිකරු පොලිසියට පැමිණිල්ලක් කර ඇත. ඇයව සොයා පොලිසිය පරීක්ෂණ පවත්වාගෙන යයි.