රෝහල් වල බෙහෙතුත් නැති වෙද්දී ඩෙංගු හිස ඔසවයි
විදේශගත ඔබට
Latest_News
calendar
JUN
30

රෝහල් වල බෙහෙතුත් නැති වෙද්දී ඩෙංගු හිස ඔසවයි

රෝහල් වල බෙහෙතුත් නැති වෙද්දී ඩෙංගු හිස ඔසවයි

ඩෙංගු රෝගීන් 34419 දෙනෙකු පසුගිය 28 වැනිදා දක්වා මෙම වසරේදී සොයා ගත් බවත් පසුගිය දින 28දී පමණක් රෝගීන් 10213 දෙනෙකු සොයා ගත් බවත් සෞඛ්‍ය අමාත්‍යාංශය පැවසීය.


ඉහළම රෝගීන් ගණන බස්නාහිර පළාතෙන් වාර්තා වී තිබේ.


ජාතික ඩෙංගු මර්දන ඒකකය පැවැසුවේ කොළඹ දිස්ත්‍රික්කයෙන් ඉහළ රෝගීන් සංඛ්‍යාව වාර්තා වූ බවයි. 

 

බස්නාහිර පළාතේ දෙහිවල, හෝමාගම, කොලොන්නාව, මහරගම, කොළඹ මහ නගර සභාව, අත්තනගල්ල, බියගම, මීගමුව, කැලණිය, වත්තල, කළුතර, පානදුර, බේරුවල මධ්‍යම පළාතේ මාතලේ, උකුවෙල සහ මාතලේ මහ නගර සභාව, පාතදුම්බර, යටිනුවර, මහනුවර මහ නගර සභාව යන සෞඛ්‍ය වෛද්‍ය නිලධාරී බල ප්‍රදේශවලින් ඩෙංගු රෝගීන් වාර්තා වීම ඉහළ ගොස් ඇතැයි ඩෙංගු මර්දන ඒකකය පැවැසීය.


උණ සහ වේදනා සමනය කර ගැනීමට පැරසිටමෝල් හැර වෙනත් කිසිදු වේදන නාශකයන් නොගන්නා ලෙසත් රෝග ලක්ෂණ ඇතිවූ වහාම වෛද්‍ය ප්‍රතිකාර සඳහා යොමුවිය යුතු බවත් අවධාරණය කෙරේ. 


ගැබිනි මව්වරුන්, වයස අවුරුදු 01ට අඩු දරුවන්, විවිධ සංකූලතා ඇති පුද්ගලයන් උණ රෝග ලක්ෂණ ඇතිවූ වහාම වෛද්‍ය ප්‍රතිකාර සඳහා යොමු විය යුතු බවත් කම්පන තත්ත්වයෙන් පසුව ප්‍රතිකාර සඳහා යොමුවන රෝගීන්ගේ ජීවිත පිළිබඳව අවදානමක් ඇති බවත් එම ඒකකය පෙන්වා දෙයි.


ඩෙංගු මදුරුවන් බෝවන ස්ථාන ඉවත් කර තම නිවස පරිශ්‍රය අවට පිරිසිදුව තබා ගැනීමට උනන්දු වන ලෙසත් ඉල්ලීමක් කෙරේ.

views

269 Views

Comments

arrow-up