අවුරුද්දට ජනතාවට ගමේ යන්න වැඩි වැඩියෙන් බස්

අදින් ආරම්භ වන සිංහල සහ දෙමළ අලුත් අවුරුදු නිවාඩුව වෙනුවෙන් මගීන්ට සිය ගම්බිම් බලා යාමට තවත් බස් රථ යොදවන බව ශ්‍රී ලංකා ගමනාගමන මණ්ඩලය අද ප්‍රකාශ කර තිබේ.

 

 

එහි නියෝජ්‍ය සාමාන්‍යාධිකාරී පණ්ඩුක ස්වර්ණහංස මහතා පැවසුවේ, අප්‍රේල් 8 වැනිදා සිට බස් රථ සේවා කටයුතු සඳහා කාලසටහන සකස් කර ඇති බව ය.

 

 

අද දහවල් සහ සන්ධ්‍යාවේදී වැඩි පිරිසක් මධ්‍යම බස් නැවතුම්පොළ තම ගමන් බිමන් සඳහා භාවිත කරනු ඇතැයි අපේක්ෂා කරන බවත් දුර ගමන් සේවා සඳහා අමතර බස් රථ 250 කට වැඩි ප්‍රමාණයක් යෙදවීමට තීරණය කර ඇති බවත් ඒ මහතා සඳහන් කර තිබේ.

 

 

මීට අමතරව ශ්‍රී ලංකා ගමනාගමන මණ්ඩලය විසින් බස් රථ පිළිබඳ තොරතුරු දැනගැනීම සඳහා අංකයක්ද (011 232 80 81) හඳුන්වා දී ඇත.