සින්ඩි මැකේන් ශ්‍රී ලංකාවට

රෝමයේ එක්සත් ජාතීන්ගේ නියෝජිතායතනය සඳහා වන එක්සත් ජනපද ස්ථීර නියෝජිතවරිය සින්ඩි මැකේන් මහත්මිය එළඹෙන 25 වන දින ශ්‍රී ලංකාවේ සංචාරයක පැමිණීමට නියමිත බව වාර්තා වේ.

 

එළැඹෙන 25 වනදා සිට 28 වනදා දක්වා ඒ මහත්මිය මෙරට රැඳී සිටින බව ඇමෙරිකා එක්සත් ජනපද තානාපති කාර්යාලය නිකුත් කළ නිවේදනයක සඳහන් වේ.

 

ශ්‍රී ලංකාව සම්බන්ධයෙන් එක්සත් ජනපදයේ කැපවීම සහ මෙරට සමගින් පවතින හවුල්කාරීත්වය ශක්තිමත් කර ගැනීම සඳහා ඇය මෙම සංචාරයේ නිරත වන බව එම නිවේදනයේ වැඩිදුරටත් දැක්වේ.