උතුරේ අද හර්තාලයෙන් දෛනික ජන ජීවිතයට බාධා
යෝජිත ප්‍රතිත්‍රස්ත පනත් කෙටුම්පත ඉවත්කර ගන්නා ලෙස බල කරමින් දෙමළ ජාතික සන්ධානය ඇතුළු දේශපාලන පක්ෂ කිහිපයක් උතුරු නැගෙනහිර පළාත් තුළ අද (25) ක්‍රියාත්මක කර තිබූ හර්තාල් ව්‍යාපාරය නිසා දෛනික ජන ජීවිතයට බලපෑම් එල්ල වී තිබූ බව වාර්තා වේ.
මේ හේතුවෙන් උතුරු පළාතේ වවුනියාව, යාපනය, මුලතිව්, මන්නාරම, කිලිනොච්චි ඇතුළු නගර කිහිපයකම සහ නැගෙනහිර පළාතේ ත්‍රිකුණාමලය සහ මඩකලපුව නගරවල වෙළෙඳසැල් වසා දමා තිබූ අතර, පොදු ස්ථාන ආශ්‍රිතව පාළු ස්වභාවයක් ගෙන තිබූ බව වාර්තා වේ.
ඇතැම් පාසල් විවෘත කර තිබුණද දරුවන් ගේ පැමිණීම අවම මට්ටමක පැවති බවද වාර්තා විය. ප්‍
රතිත්‍රස්ත පනත් කෙටුම්පත සම්බන්ධයෙන් සමාජයේ දැඩි කතාබහක් මතුව ඇති අතර, අධිකරණ අමාත්‍ය විජයදාස රාජපක්ෂ මහතා පසුගියදා කියා සිටියේ සංශෝධන සහිතව මෙම කෙටුම්පත මෙම සතියේදී පාර්ලිමේන්තුවට ඉදිරිපත් කරන බවයි.
307 Views
Comments