ජාත්‍යන්තරය ජය ගත් ලංකාවේ ටොප් මොඩ්ල්

ඊජිප්තුවේ කයිරෝ නුවර පැවති 29 වැනි Top Model Of The World - 2023 තරගාවලියේ තුන්වන ස්ථානය දිනා ගත් ශ්‍රී ලාංකික නිරූපණ ශිල්පිනී සඳනි පීරිස් මෙනවිය අද (07) දින උදෑසන දිවයිනට පැමිණියාය.

 

ලෝකයේ රටවල් 42 ක නිරූපණ ශිල්පිනියන්ගේ සහභාගීත්වයෙන් මෙම තරගාවලිය ඉකුත් පෙබරවාරි මස 20 දින සිට මාර්තු මස 03 දක්වා පැවැත්වුණි. 

 

අද දින උදෑසන 08.30 ට සඳනි මෙම ජයග්‍රහණය රැගෙන බහරේන් නුවර සිට ගල්ෆ් ගුවන් සේවයේ ජී. එෆ් - 144 දරන ගුවන් යානයෙන් කටුනායක ගුවන් තොටුපොළ වෙත පැමිණ සිටියාය. 22 හැවිරිදි සඳනි පීරිස් කොළඹ ජාත්‍යන්තර අධ්‍යාපනික ආයතනයක "බැලේ" නර්තන උපදේශිකාවක් ලෙස ද කටයුතු කරමින් සිටී.

 

ඉදිරි මාස 06 ක කාලය සඳහා ඉන්දියාවේ විශාලතම නිරූපණ ශිල්පී ආයතනයේ ආරාධනාවක් මත එහි සේවය සඳහා යන බව සඳනි පීරිස් මෙනවිය සිය අනාගත බලාපොරොත්තු පිළිබඳව ප්‍රකාශ කරමින් සඳහන් කර තිබේ.