නිවස ඉදිරිපිටදීම පුද්ගලයෙකුට හිසට පොලු‍ වලින් පහරදී ඝාතනය කරයි

හිසට පොලු‍වලින් පහරදී ඝාතනය කරන ලද පුද්ගලයෙකුගේ මළ සිරුරක් අද(24) අලු‍යම ඔහුගේ නිවස ඉදිරිපිටදී හමුවූ බව දොඩංගොඩ පොලිසිය කියයි.

 

මෙලෙස ඝාතනයට ලක්ව ඇති පුද්ගලයා දොඩංගොඩ, නෑහින්න, කඩවත්ගෙදර ප්‍රදේශයේ පදිංචිව සිටි ගබඩාගේ චන්දිමාල් ප්‍රදීප් කුමාර නමැති 49 හැවිරිදි පුද්ගලයෙකු බවට හදුනාගෙන තිබේ.

 

අද(24) අලු‍යම 1ට පමණ ඝාතනය සිදුව ඇති බවට පොලිසිය සැක පළ කරයි. 

 

සැකපිට පුද්ගලයින් දෙදෙනෙකු පොලීසිය විසින් ප්‍රශ්න කිරීමට රඳවාගෙන ඇති අතර දොඩංගොඩ පොලිසිය පරීක්ෂණ පවත්වයි.